Livanın cənubundan işğal olunmuş Fələstinə 40 raket atılıb

Sionist ordu Livanın cənubundan işğal olunmuş Fələstinə raket atışlarının davam etdiyini açıqlayıb.

Sionistlərin Ordu Radiosu bu gün səhər saatlarından etibarən Livanın cənubundan işğal olunmuş Fələstinə 40-a yaxın raket atıldığını bildirib.

Məlumata görə, bir neçə dəqiqə əvvəl Qərbi Qaliley istiqamətində 15 raket atılıb.

Sionist rejimin bəzi KİV-ləri də Qərbi Qalileydə həyəcan siqnalı çalınması və Livandan 15 raketin atılması barədə məlumat yayıb.

Əl-Məyadin kanalı Fələstinin şimalında yerləşən Ərəb əl-Əramişədəki hərbi hədəfin Livan tərəfindən atəşə tutulduğunu bildirib.